Интернеттегі ата-аналар жиналысы

   14-20 желтоқсан аралығында біздің балабақшаның барлық топтарында ата-аналар жиналысы өтті. Жиналыс бұрыннан таныс онлайн-режимде, қарым-қатынас үшін таңдалған интернет-платформасы арқылы өткізілді. Педагогтар жиналыс тақырыбына сәйкес презентациялар дайындады. Жиналыста оқу процесіне, режимдік сәттерге қатысты ағымдағы мәселелер шешілді. Көкшетау қаласының бас санитарлық дәрігерінің қаулысына сәйкес барлық санитарлық-гигиеналық талаптарды сақтай отырып, бөгде педагогтарды қатыстырмай, топ бөлмелерінде жаңа жылдық ертеңгіліктер өткізілетіндігі жайлы ата-аналарға жеткізді . Тәрбиешілер мектеп жасына дейінгі балалардың күн тәртібін сақтаудың маңыздылығын тағы да еске салып, мектепалды топтарға баратын балалардың ата-аналарына ұсыныстар берді. Балаларға қатысты туындаған сұрақтарға жауап беретін мамандар да жиналысқа қатысты.