№5 «Балбөбек» ересек тобындағы «Театр күні»

Бүгін біздің тәрбиеленушілеріміз театрдың ғажайып әлеміне саяхат жасады!

Барлығы сиқырлы сандық пен театр шымылдығынан басталды. Сол жерден көңілді Петя мен Маруся атты қаздар шығып, балалармен бірге жұмбақтар шешіп, «Шұбар тауық» ертегісін тамашалап, театрдың әртүрлі түрлерімен танысты. Ең қызықты сәт – балалардың өздері нағыз әртістерге айналғаны болды! Олар «Теремок», «Бауырсақ» және «Қолғап» ертегілерін үлкен ықыласпен сахналап, өздерінің әртістік қабілеттерін, батылдығы мен қиялын көрсетті. Іс-шара соңында жас әртістер көрермендерге тағзым етіп, зор қошеметке бөленді. Театр қуыршақтарын тамашалап, естелікке ортақ суретке түсті.Осындай іс-шаралар балалардың сөйлеу тілін, қиялын, өзіне деген сенімділігін дамытып, ертегілерге деген сүйіспеншілігін арттырады.