«Балалардың қауіпсіздігі — отбасы мен балабақшаның ортақ жауапкершілігі»

21 мамыр күні «Балалардың қауіпсіздігі — отбасы мен балабақшаның ортақ жауапкершілігі» тақырыбында ата-аналар жиналысы ZOOM платформасы арқылы өткізілді.
Жиналыс барысында балалардың өмірі мен денсаулығын қорғау, қауіпсіз орта қалыптастыру, балалардың жарақаттануының алдын алу мәселелері қарастырылды. Ата-аналарға Қазақстан Республикасының қолданыстағы заңнамаларына сәйкес бала тәрбиесіндегі ата-ананың жауапкершілігі түсіндірілді.
Сонымен қатар, мектепке дейінгі ұйым мен ата-аналар арасындағы өзара байланыс, балаларды балабақшаға әкелу және алып кету кезіндегі қауіпсіздік талаптары туралы ақпарат берілді.
Жиналыс соңында ата-аналарға балалардың қауіпсіздігіне бірлесіп жауапкершілікпен қарау қажеттігі айтылып, түсіндірме жұмыстары жүргізілді.