Балабақшамыздың 40-жылдық мерейтойы

2025 жылдың 29 желтоқсан күні балабақшамыздың құрылғанына 40 жыл толуына арналған салтанатты іс-шара өтті. Бұл күн балабақша ұжымын, тәрбиеленушілер мен ата-аналарды,  қонақтарды біріктірген, мазмұны терең әрі есте қаларлық мерекеге айналды.

Мерейтойға балабақшаның өткен жылдары меңгеруші қызметін атқарған Тузовская Лидия Митрофановна, Омарова Бакытжамал Ныгметовна, Айжарыкова Алданыш Жиенбековна; білім бөлімінің әдіскері Касымова Акбота Аскаровна; Ш. Уәлиханов атындағы университет кафедрасының меңгерушісі Калымова Асель Кайратовна; оқытушы Шубаева Нургуль Мейрамовна; БЦК банкінің өкілі Асаинов Тимур Алтаевич, сондай-ақ тәрбиеленушілердің ата-аналары — Романов Данил Александрович пен Бажирова Айнур Бозгулановна қатысты.

Іс-шара барысында ізгі тілектер айтылып, балабақшаның қалыптасу және даму жолындағы маңызды кезеңдер еске алынды. Мерекелік бағдарламаны тәрбиеленушілер мен қызметкерлердің қатысуымен өткен жарқын концерт толықтырды.

40 жыл — бұл тарих пен дәстүр, кәсіби шеберлік пен балаларға деген шексіз сүйіспеншіліктің көрінісі. Балабақшамыздың дамуына үлес қосқан барша жандарға шынайы алғысымызды білдіреміз.