Жұмысшы мамандықтар жылы

2025 жыл Қазақстанда Президент Қасым-Жомарт Тоқаевтың Жарлығымен «Жұмысшы мамандықтар жылы» болып жарияланды.
Бұл бастама елдегі жұмысшы мамандықтарды насихаттауға және олардың беделін арттыруға бағытталған. Негізгі мақсат — жұмысшы мамандықтардың экономикалық тұрақтылық пен әлеуметтік прогрестің негізгі факторы ретіндегі рөлін нығайту. Сонымен қатар, қоғамның білікті еңбекке деген назарын аудару, кәсіби білім беруді дамыту, жас мамандар мен өз ісінің шеберлерін қолдау көзделіп отыр.

Осы жыл аясында біздің балабақшада жұмысшы мамандықтардың мәртебесін арттыруға бағытталған түрлі іс-шаралар, экскурсиялар, көрмелер, ойындар ұйымдастырылуда.

Балабақшадағы барлық жас ерекшеліктегі топтардың балалары түрлі жұмысшы мамандықтарын бейнелейтін «Дүкен», «Асхана», «Аурухана», «Біз құрылысшылармыз» және басқа да сюжеттік-рөлдік ойындарды қызығушылықпен ойнайды. Мұндай ойындар балалардың қиялын, коммуникативтік дағдыларын дамытуға және ересектер еңбегінің маңыздылығын түсінуге көмектеседі.

Балалар аспазшы, құрылысшы, дәрігер немесе сатушы болып ойнай отырып, кәсіби қызметтің негіздерін меңгереді, топпен бірге жұмыс істеуге, берілген тапсырмаларды бірлесе орындауға үйренеді. Бұл ойындар еңбекке құрметпен қарауға тәрбиелеп, болашақ кәсіби бағдардың іргетасын қалайды.

Сонымен қатар, ойын барысында балалар «Тағамдар», «Көкөністер», «Жемістер», «Көлік түрлері», «Мамандықтар» сияқты лексикалық тақырыптар бойынша қазақ тіліндегі сөздік қорын есте сақтап, бекітуге тырысады.